Qirjakos Harallambidhis lindi në Achna në vitin 1940 dhe u rrit në Famagusta të Qipros.

Studioi histori dhe arkeologji në Universitetin e Athinës. Ndoqi mësime teatri në Athinë dhe u specializua për radio në Mynih. 

Është autor i dhjetëra vëllimeve me poezi, për të cilat është nderuar me çmime shtetërore në Qipro dhe Greqi, me çmimin e Shoqërisë Helenike të Përkthyesve Letrarë si dhe me Çmimin Ndërkombëtar Kavafi në Egjipt (1998). Në vitin 2003 Akademia e Athinës i dha çmimin Kostas dhe Eleni Urani për të gjithë veprën e tij poetike. Në vitin 2006 është vlerësuar me Çmimin Kulturor Tefkros Anthia - Thodosi Pieridis. Në vitin 2007 u nderua nga Republika e Qipros me ekselencën në letra, arte dhe shkenca. Në vitin 2013 u shpall Doktor Nderi nga Departamenti i Filologjisë i Universitetit të Athinës dhe u zgjodh anëtar korrespondent i Akademisë së Athinës në fushën e Letërsisë (Poezisë) në Klasën e Letrave dhe Arteve të Bukura.

Vepra e tij është përkthyer në anglisht, frëngjisht, gjermanisht, suedisht, bullgarisht dhe shqip.