Një histori shumë prekëse që të trondit, një histori e vërtetë që vetëm "e bukur" nuk mund të quhet ", pasi rrëfen për jetën e një gruaje, me të cilën fati u tregua i ashpër që në fëmijërinë e hershme. 

Aleka ishte vetëm dhjetë vjeçe kur zbuloi kartelën në shtëpinë e fëmijëve. Nuk kishte mbiemër pranë emrit të saj. Por ishte fjala "fëmijë i jashtëligjshëm" që i përkiste asaj dhe fjala e panjohur "prostitutë" për të ëmën. Ajo e pati lënë Alekën, fëmijë gjashtë vjeç, në një shtëpi fëmijësh, pa dhënë më pas asnjë shenjë jete, veçse shumë vite më pas...

Në luftë të vazhdueshme me të vërtetat tronditëse të jetës, në kushte jo të favorshme, në varfëri, në vetmi, e braktisur dhe mes vështirësish të tjera, Aleka do të përpiqet dhe do të mbijetojë edhe për të realizuar të gjitha ëndrrat e saj, mes tyre edhe takimin me të atin.

Historia e Alekës është një mësim jetësor. Është një mësim i dashurisë. Është shumë e lehtë të urresh të tjerët kur ata janë lënduar dhe na dëmtojnë. Por sa fuqi shpirtërore mund të ketë një njeri dhe sa mund të durojë!

Një libër që na bën të vlerësojmë njerëzit që kemi pranë.