Antologji prej një autori të vetëm që bie botën e një ishulli, jo të një ishulli sido, po atij të Afërditës.

Libri “Metamorfozë qytetesh” duket si një antologji poetike kombëtare, e një shteti; është një galeri me peizazhe, portrete dhe tablo tematike të një piktori të mirë të fjalës. Pieris është i realizuar si poet tradicional dhe modern njëherësh, që synon dhe respekton cilësitë e përjetshme të poezisë, muzikën e fjalës, metaforinë dhe forcën përshkruese.

Mihalis Pieris në poezi shfaq një aftësi të veçantë dhe unike duke transmetuar mjeshtërisht dhe bërë universalisht të kuptueshme ndjeshmëritë personale, përvojat dhe ndijimet intuitive. Ligjërimi i tij poetik është subversiv dhe konfrontues dhe mbizotërohet nga një ndjenjë e lartë morali poetik, i cili është kundër çdolloj mekanizmi tjetërsimi.