Ka lindur në Qipro në vitin 1947. Ka studiuar veterinari në Sofje, ku më vonë ka kryer studime pasuniversitare. Ka botuar tre vëllime me poezi, tre romane dhe pesë vëllime me tregime. 

Dy romane dhe dy vëllime me tregime janë nderuar me Çmimin Shtetëror. Romani Në syrin e gjarprit (Kastaniotis, 2000) është botuar në gjuhën bullgare, ndërsa vëllimi me tregime Hap i paqëndrueshëm (Gavrilidhis, 2012) është botuar frëngjisht, bullgarisht dhe turqisht. Një libër me tregime të zgjedhura është botuar anglisht nën titullin “Like a discus thrower”, Armida, Qipro.

Poezi dhe tregime të veçanta janë përkthyer në shumë gjuhë të huaja.

Në vitin 2017 u nderua me çmimin “G. F. Pieridhis” nga Bashkimi i Shkrimtarëve të Qipros për kontributin e përgjithshëm në letërsinë qipriote.