Rezarta Gagani u lind në Gjirokastër, më 5 maj 1983. Studimet e larta për Gjuhë dhe Letërsi i kreu në Universitetin “Eqrem Çabej”. Në kërkim të një saktësie që shpesh kufizohet me heshtjen, ajo ndërton një univers ku kujtesa dhe harresa janë të vetmet koordinata të vërteta. Ky vëllim është stacioni i saj i parë publik; një ballafaqim me të vërtetat që zakonisht i lëmë jashtë tryezës ku hamë bukë.